Mie se olen miettiny että kelle sitä vois olla äksy jos ei olis kirkon väkeä ko jotaki häätyy kohta vihata. Monihan niin sanotusti tietää mitä pappi ajattelee kaikesta vaikka eivät tunne koko ihmistä.
Jokku sanovat suohraan mitä net on mieltä mutta moni on hiljaa ja silti niitten mielipitheet tiethään kysymättä, ko ajatelhaan mitä mieltä niitten on pakko olla.
Jos joku pappi ei ajattele niinko itte väki niin sanothaan että son leipäpappi eikä suinkhaan elä hurskaasti. Mitä lie tarkottaa seki sana?
Jokku sanovat suohraan mitä net on mieltä mutta moni on hiljaa ja silti niitten mielipitheet tiethään kysymättä, ko ajatelhaan mitä mieltä niitten on pakko olla.
Jos joku pappi ei ajattele niinko itte väki niin sanothaan että son leipäpappi eikä suinkhaan elä hurskaasti. Mitä lie tarkottaa seki sana?
Vastaukset 3
Vanhimmat
Mie se olen miettiny että kelle sitä vois olla äksy jos ei olis kirkon väkeä ko jotaki häätyy kohta vihata.
* Jos jotaki vain oon pakko vihata, mitä kirkon väelä sitten tarkotakki, hae nyt ensiksi apua lääkäristä !!
Monihan niin sanotusti tietää mitä pappi ajattelee kaikesta vaikka eivät tunne koko ihmistä.
* TIETÄÄKHÄÄN - Kuuleppa nyt, papin ajatukset oon useasti sielä ja niissä paikoissa ko kaikkien muittenki kuolevaisten: himoa, vihaa, kostoa, kateutta, ylpeyttä, ahneutta ym.
Jokku sanovat suohraan mitä net on mieltä mutta moni on hiljaa ja silti niitten mielipitheet tiethään kysymättä, ko ajatelhaan mitä mieltä niitten on pakko olla.
* Tarkotat vissiin pappeja. Ne voivat ymmärtää ja käsittää asian, mutta saattavat toimia vastoin sitä, mitä itte ns. asiasta oikein opettavat. Tällaisia juuri sanothaan niiksi leipäpapeiksi, tämän ajan fariseuksiksi.
Jos joku pappi ei ajattele niinko itte väki niin sanothaan että son leipäpappi eikä suinkhaan elä hurskaasti. Mitä lie tarkottaa seki sana?
* Olet eelä vähän hukassa - mitä kirjotat leipäpapista ....
Mitä mie tekisin lääkärissä ko en ole hullua kummempi?
Jopa sie tiiät hyvin, mitä papit ajattelevat! Siis himoa, vihaa, kostoa, kateutta, ylpeyttä, ahneutta. Mietikkö sie itte vain niitä?
Eihän leipäpappi ole sen kummempi ko toinenkhaan ihminen eikä net ylheensä elä toisin ko puhuvat. Justhiin net hyvät papithan ne koittavat olla semmosia ko niiltä vaaithaan ja siksi ottavat ryypynki sallaa.
Enkä mie ole kuullu että vähäki maallistunnu pruuvais pakottaa kethään elähmään niinko itte mutta kovhaan uskhoon hurahtahneet hihhulit kyllä hakkaavat vaikka isän ja veljeskathraan kans semmosen joka käypi vaikka tanssimassa.
hei oli leipäpappi tai "oikea" pappi niin ei net ihmistä kummempia ne papikkaan ole! tuli semmonen käsitys nuista kirjotelmista että pappia piethään jotenki yli-inhimillisenä. samat ajatukset niiläki päässä pyörii ko muillaki, samallaisia syntisiä ko mekki!